لا اتزعلني منك ادري شتريد
ولتخلي دمعتي تجرح ابخدي
اتريد مني انساك من هاللحظه انساك
شرط بس جيب واحد حبك بكدي
----------------------------
مثل لهفة سجين ايتاني الافراج
عليك انا صرت صدكني ملهوف
أذا كتلك احبك والله غلطان
لأن حتة الاحبك ناقصه احروف
-----------------------
من اجت امريكا تحتل العراق
ما اجت لجل نفطه وكاعه
اجت امريكا تحتل الجمال
يالجمالك ياحلو طركاعه
----------------------------
عفتك بالشمس حتة اسمر اتصير
وعيون العواذل تكطع النظرة
رديت ارد اشوفك من رجعت الكيت
وجهك ماتغير والشمس سمرة
----------------------------------
لو انت ارهابي وانا بالجيش
ورادوني اذبحك ذوله ناسك
اسوي اسوايه ما تخطر على البال
اكص راسي واكلهم هذا راسك
------------------------------------
عيوني اتعاركن بالغيرة حد الموت
اذا اتشوفك اليمنه اليسرة منتحسه
حكهه اتغار عنك انت تعرف ليش
الجمال البيك حتة ايغار من نفسة
وما اشبهك كمر ما يشتبه بيك
ام الكمر جانت بي كتتنسه
سفينه الشمس ماترسي ابمراسي الكون
بس اخدود وجهك للشمس مرسه
ومن كد ما حلو لمن تمر بالناس
اتكوم اتغني حتى الوادم الخرسه
الخميس فبراير 07, 2013 7:56 pm