شعر مو طبيعي

يگــــــلولي ضحكتك باردة هواي
اشو وجــهك كئيب ولونه شاحب
وجاوبهم وأگــــــــــول الحـمد لله
بس عينيي عكس شفتي تجـاوب
واتيهم أحــــــاول مـا يحســـــون
ادري عيـــون شـماتي تراقب
وضحّك شفــــــتي گدام اليسألون
وأنه بصدري حزن يلطــم مواكب
يگــــــلولي ضحكتك باردة هواي
وشو للصفنـــه دومك حيل راغب
گبل چانت ضحكتك مالـــية البيت
ولسانك حـــــــرك كلش مشاغب
شجاك شغيرك وشصـــاير وياك
توزع همـــوم بيدك چن محاسب
خسران بتجــــــارة ابعازة فلوس
نفزعلك اهل كلــــنه وگــــــرايب
مايدرون انــــــي معوز احــــــباب
ومايدرون كلبي شــــــكثر لاهــب....